Լիցքավորման կայանների տեղադրում

Լիցքավորման կայանները՝ հասանելի Հայաստանում ու Արցախում

SOLARA-ն իր սպառողին է առաջարկում համաշխարհային ճանաչում ունեցող ընկերություններից ներկրված լիցքավորման կայաններ, որոնք լավագույնն են իրենց որակով և արդյունավետությամբ:

SOLARA-ի առաքելությունն է օգնել վարորդներին արագ լիցքավորել իրենց էլեկտրոմոբիլը Երևանում և մարզերում։ Այսօր էլեկտրական մեքենաների լիցքավորման ժամանակը կախված է մարտկոցից և կարող է տևել 10 րոպեից մինչև 10 ժամ:

Ընկերության հիմնական նպատակներից է Հայաստանում և Արցախում տեղադրել արևային էներգիայով աշխատող մեքենաների համար նախատեսված նվազագույնը 40 լիցքավորման, այդ թվում նաև էլեկտրոմոբիլների գերարագ լիցքավորման կայաններ, որոնք տեղակայված կլինեն իրարից առավելագույնը 100 կմ հեռավորության վրա։ 

Այսպիսով, շրջակա միջավայրի համար էկոլոգիապես մաքուր մեքենաների ավելացումը զգալիորեն կկրճատի օդի աղտոտվածությունը: Արդյունքում կլուծվեն բնապահպանության, տրանսպորտային միջոցների դիվերսիֆիկացման, համայնքների զարգացման, տուրիզմի խթանման և բնակչության իրազեկվածության հետ առնչվող մի շարք խնդիրներ:

SOLARA-ն մշակել է էլեկտրական մեքենաների վարորդների համար նախատեսված հավելված, որի միջոցով հնարավոր է լիցքավորել էլեկտրոմոբիլը՝ քարտեզի վրա նախապես ընտրելով և ամրագրելով ամենամոտ լիցքավորման կայանը: Հավելվածից օգտվելու համար անհրաժեշտ է պարզապես ներբեռնել այն և ստեղծել անձնական հաշիվ:

Հավելյալ տեղեկությունների համար խնդրում ենք զանգահարել +374 44 577555 հեռախոսահամարով, կամ գրել [email protected] Էլ. հասցեին: